ព្រោះតែផ្លូវមួយនេះចម្លែកពេក ទើបធ្វើឲ្យ ឧកញ៉ា ឌួង ឆាយ បង្ហោះសារមួយនេះឡើង ដោយនិយាយចំៗតែម្តង

នៅមុននេះបន្តិច នាថ្ងៃទី១៩ ខែមេសា ឆ្នាំ២០១៨ គេឃើញក្នុងហ្វេសប៊ុករបស់ ឧកញ៉ា ឌួង ឆាយ បានបង្ហោះសារមួយហាក់មិនពេញចិត្ត និងនិយាយចំៗតែម្តង ជាមួយផ្លូវចម្លែកមួយកន្លែង ដែលបានបង្កគ្រោះថ្នាក់ជាច្រើនករណី ដោយក្នុងនោះ លោកបានបញ្ជាក់សារដ៏ខ្លីមួយថា៖

"សំណាងហើយម្ចាស់ឡានអត់បុកបាក់បង្គោល, កុំអីត្រូវសងទៀតពីព្រោះជាកំហុសអ្នកបើកបរអត់មើល ហាហា 🤣 ខ្ញុំសង្កេតឃើញគ្រាន់បើតែក្នុងយុទ្ធនាការ 100 ថ្ងៃដំបូងប៉ុណ្ណោះ, ចប់ពីនោះទៅស្ងាត់ឈឹង។ ផ្លូវ north bridge នេះដោះស្រាយដូចជាមិនចេញសោះ, សាកសពឡានលិចទឹក និងបុករាប់មិនអស់។ បើអ្នកដឹកនាំគំរោងនេះ សុខចិត្ត មិនឈប់សំរាកចូលឆ្នាំដើម្បីដោះស្រាយអោយហើយពិតជាល្អណាស់, ពីព្រោះខ្លាចគេកត់ត្រាចូលសៀវភៅកំណត់ត្រាពិភពលោក Guinness World Record ផ្លូវចម្លែក និងជួសជុលមិនដែលហើយ"។

គួររំលឹកឡើងវិញបន្តិចផងដែរថា ​លោក ស៊ុន ចាន់ថុល រដ្ឋមន្ត្រីក្រសួង​សាធារណការ និង​ដឹកជញ្ជូន ធ្លាប់បាន​សុំទោស​ប្រជាពលរដ្ឋ និង​សុំ​ការ​អធ្យាស្រ័យ ដែល​ក្រសួង ក៏ដូចជា​អាជ្ញាធរ នៅ​មិនទាន់បាន​ដក​បង្គោល​ភ្លើង​ទាំងនោះ ចេញពី​ផ្លូវ​។ លោកបន្តថា ក្រសួង​សាធារណការ និង​អគ្គិសនី​កម្ពុជា បាន​ពិភាក្សាគ្នា​រួចហើយ ដោយ​សម្រេច​ថា នឹង​ដក​បង្គោល​ភ្លើង​ទាំងអស់នោះ​ចេញ ចាប់ពី​ចន្លោះ​ខែមេសា រហូតដល់​ខែមិថុនា ឆ្នាំ​២០១៨​។ លោកក៏បន្ថែមទៀតថា អគ្គិសនី​កម្ពុជា ត្រូវ​បង្កប់​ខ្សែភ្លើង​នៅក្រោម​ដី​ជាមុនសិន ហើយ​បន្ទាប់មក ទើប​អាច​ដក​បង្គោល​ភ្លើង​ទាំងនោះ​ចេញ​បាន​៕