ព្រោះតែរឿង "កូនពស់កេងកង" ល្បីខ្លាំងពេក រហូតធ្វើឲ្យជនជាតិថៃធ្វើរឿងមួយនេះឲ្យទៀត (មានវីដេអូ)

កាលពីពេលថ្មីៗនេះគេឃើញក្នុងហ្វេសប៊ុករបស់លោក ហ្វៃ សំអាង ដែលត្រូវបានមហាជនទូទៅស្គាល់លោកថាគឺជាអ្នកដែលដឹកនាំ និងនិពន្ធរឿងមួយរូបដែលមានស្នាដៃខ្ពស់ ហើយគេក៏តែងតែឃើញលោកបង្ហោះរូបភាពពីសកម្មភាពក្នុងការថតរឿងភាគថ្មី គឺរឿង "កូនពស់កេងកង" ដែលផលិតឡើងយ៉ាងសំរិតសម្រាំងសម្រាប់ទូរទស្សន៍ហង្សមាស​ ហើយក៏នឹងចាក់បញ្ចាំងក្នុងឆ្នាំ២០១៨នេះ តែម្តង​ ដែលជាការនិពន្ធរឿងដោយ លោកហ្វៃ​ សំអាង និងលោកស្រី ប៉ុល​ ពិសី​ ហើយដឹកនាំរឿងដោយ លោក ហ្វៃ​ សំអាង។

ហើយពេលថ្មីនេះ ដោយសារតែឃើញឈុតខ្លីៗក្នុងរឿងមួយនេះបានបង្ហោះចូលក្នុងហ្វេសប៊ុករបស់លោក រហូតធ្វើឲ្យជនជាតិថៃក៏ពេញចិត្តផងដែរ ដោយសរសើរថាចង់មើលខ្លាំងណាស់ ព្រមទាំងជួយឃោសនារឿងមួយនេះថែមទៀតផង។ ក្នុងនោះលោក ហ្វៃ សំអាងក៏បានបញ្ជាក់បន្ថែមក្នុងហ្វេសប៊ុករបស់លោកថា៖

"ជម្រាបសួរបងប្អូនជនរួមជាតិខ្មែរជាទីស្រឡាញ់😍តើអ្នកណាខ្លះស្រឡាញ់សត្វព្រៃ?ស្រឡាញ់ធម្មជាតិ?សូមcomment និងshare ម្នាក់មួយ​ផងអោយបរទេសបានឃើញទេសភាពប្រទេសកម្ពុជាយើង​ ទិដ្ឋភាពបែបនេះយល់យ៉ាងណាដែរ?បើស្រឡាញ់ចូលចិត្តកុំភ្លេចរង់ចាំទស្សនារឿងកូនពស់កេងកងនឹងបានឃើញទេសភាពប្លែកៗនិងស្អាតជាងនេះជាច្រើនទៀត​ ហើយសមិទ្ធផលនេះកើតឡើងពីការសាមគ្គី​ សហការណ៍គ្នាបានយ៉ាងល្អរបស់ក្រុមការងារគ្រប់ផ្នែកនៃក្រុមផលិតរឿងកូនពស់កេងកងរបស់ទូរទស្សន៍ហង្សមាស​ 😍🙏ហើយឈុតមួយនេះនាងសូរិយានិងវេហាកំពុងតែផ្តោះផ្តងពាក្យសម្តីជាមួយនឹងការរាយមន្តស្នេហ៍ដាក់គ្នាទៅវិញទៅមក​ ថតដោយលោកកែ​ វិបុលនិងលោកកែ​ វិរៈ​ ។សុំរំភើបបន្តិចគឺរំភើបដោយមានជនជាតិថៃគាត់like និងshared ឈុតឃោសនារឿងកូនពស់កេងកងហើយសរសើរថាចង់មើលណាស់​ សូមបងប្អូនជួយសប្បាយជាមួយខ្ញុំផង😍🙏😍😍😍😍🙏"៕