នៅពេលដែលដឹងថា តម្រុយពីរថយន្តចូលចាក់សាំងអត់ឲ្យលុយគេភ្លាម ស្រាប់តែលោក ប៉ែន ចំរ៉ុង បង្ហោះសារមួយថា...(មានវីដេអូ)

កាលពីព្រឹកម្សិលមិញ នាថ្ងៃទី១៣ ខែឧសភា ឆ្នាំ២០១៨ គេឃើញមានរឿងហួសចិត្តមួយនៅស្ថានីយ៍ប្រេង Total វេងស្រេង ជាប់ផ្សារកាណាស៊ីតធី ដែលមានរថយន្តមួយគ្រឿងចូលចាក់សាំងចំនួន៥០ដុល្លារ តែបែរជាជិះចេញបាត់យ៉ាងលឿន ទាំងមិនទាន់បានឲ្យលុយគេផង។

ក្នុងនោះផងដែរម្ចាស់ហ្វេសប៊ុកមួយឈ្មោះ "ឃ្លាំងលក់រថយន្ត 333" ក៏បានសរសេរសារមួយបញ្ជាក់បន្ថែមទៀតផងដែរថា៖ "ឡានចាក់សាំងមិនឲលុយ នៅស្ថានីយ៍វេងស្រេង!! ព្រឹកនេះ១៣/៥/២០១៨ វេលា ៧:៤០នាទី។ សូមជូនជាដំណឹង និង ជួយយើងខ្ញុំក្នុងការតាមចាប់ជនកំហូចនេះផង! សូមអរគុណ! ស្លាកលេខ ភ្នំពេញ-2AR 6513 សូមជួយlike and share ផង ...016431666"។

ក្នុងថ្ងៃដដែលនេះ គេក៏បានឃើញក្នុងហ្វេសប៊ុកមួយឈ្មោះ Damrey Sar ក៏បានបង្ហាញនូវអត្តសញ្ញាណរថយន្តនេះផងដែរ ដោយលោកបានសរសេរសារមួយថា៖

"#ជួយឈឺឆ្អាល បន្តិចចុះ
*ដើម្បីកុំអោយជននេះបានចិត្ត
*កុំអោយមានសកម្មភាពបែបនេះតទៅទៀត
*អ្នកដែលត្រូវអាណិតគឺបុគ្គលិកជាអ្នកលក់ ដែលត្រូវរងគ្រោះ ដោយថៅកែ កាត់ប្រាក់ខែ។
*វាអាចមើលស្រាលដល់សមត្ថកិច្ចទៀតក៏ថាបាន...
#ឡាននេះទិញបង់រំលស់"។

ដោយសារតែដឹងតម្រុយពីរថយន្តនេះហើយ បានធ្វើឲ្យលោក ប៉ែន ចំរ៉ុង ដែលជាតារាសម្តែង និងជាពិធីករដ៏ល្បីមួយរូបក្នុងប្រទេសកម្ពុជា ក៏បានបង្ហោះសារមួយភ្លាមក្នុងហ្វេសប៊ុករបស់លោកថា "ប៉ុណ្ណឹងហើយបើរកមិនឃើញទេ សុំក្តៀនយោបល់ហ្មង អាហុី!"៕