លឿនណាស់មិនទាន់បានធ្វើអ្វីដែលពួកយើងចង់ធ្វើផង ហេតុអ្វីក៏លោកប្អូនទៅចោលលោកបងចឹង

កាលពីម្សិលមិញនេះ គេឃើញក្នុងហ្វេសប៊ុករបស់ព្រះសង្ឃមួយអង្គព្រះនាម សូ ធិ (So Thi) បានបង្ហោះសារដ៏ក្រៀមក្រំមួយ ដោយប្អូនរបស់ព្រះអង្គ បានសុគត (ស្លាប់) ទៅហើយ ដោយសារតែជំងឺដ៏សាហាវមួយដែលមិនអាចព្យាបាលបាន គឺមានសាច់ដុះនៅចង្កេះខាងឆ្វេង ហើយវាបានរាលដាលដុះដល់ក្នុងពោះ និងដើមទ្រូងមិនអាចយកចេញបានទេ បើទោះទៅព្យាបាលដល់ប្រទេសក្រៅក៏ដោយ។ ព្រះសង្ឃ សូ ធិ ក៏បានបង្ហោះសារដ៏ខ្លីមួយថា "លឿនណាស់មិនទាន់បានធ្វើអ្វីដែលពួកយើងចង់ធ្វើផង ហេតុអ្វីក៏លោកប្អូនទៅចោលលោកបងចឹង"។

ក្នុងនោះផងដែរ ព្រះសង្ឃ So Thi ក៏ធ្លាប់បានបញ្ជាក់ពីស្ថានភាពជំងឺរបស់ប្អូនព្រះអង្គផងដែរ កាលពីពេលកន្លងទៅថ្មីៗនេះ ដោយបានបញ្ជាក់យ៉ាងច្បាស់ថា "អស់រយះពេលជិត១ខែ មកព្យាបាលជំងឺនៅពេទ្យប្រទេសថៃ(ទីក្រុងបាកកក) Doctors ចំនួន៣ផ្នែកខុសៗគ្នាដែលត្រួតពិនិត្យនៅលើរាងកាយរបស់លោក ហើយបានសរុបលទ្ធផលដែលពួកគាត់យកចិត្តទុកដាក់ព្យាបាលជំងឺនិងតាមដានជំងឺរបស់លោកអ្នកជំងឺ ។ Doctors ទាំងនោះបានប្រាប់ថា ភាគរយនៃការព្យាបាលជំងឺរបស់លោកនោះគឺមិនអាចជាទេ (សូន្យភាគរយនៃការព្យាបាល) ព្រោះជំងឺនេះដល់ដំណាក់កាលធ្ងន់ធ្ងូរទៅហើយ😓ព្រោះសាច់ដែលដុះនៅចង្កេះខាងឆ្វេងវាបានរាលដាលដុះដល់ក្នុងពោះ និងដើមទ្រូងមិនអាចយកចេញបានទេ បើវះយកចេញអ្នកជំងឺនិងស្លាប់មួយរំពេចន៍។ ឮDoctors ប្រាប់ហើយនិយាយមិនចេញហូរទឹកភ្នែកមិនដឹងខ្លួន😓😓😓 ព្រោះមានតែប្អូនមួយទេ។

ថ្ងៃទី27ខែ04ឆ្នាំ2018
អាត្មានិងយកលោកមកខ្មែរវិញដើម្បីអោយលោកបានជួបញោមស្រី និងមានជីវិតចុងក្រោយនៅខ្មែរ។បើនៅព្យាបាលក៏មិនជា ហើយត្រូវចំណាយថវិកាច្រើនទៀត។"៕