មិននឹកស្មានដល់ថាមានអ្នកពិសេស បានចូលរួមអមដំណើរ ឱក សុគន្ធកញ្ញា ទៅកាន់រមណីដ្ឋានធម្មជាតិ កំពុងតែល្បីមួយនេះសោះ

កាលពីថ្ងៃទី២៤ ខែមេសា ឆ្នាំ២០១៨ កន្លងទៅនេះ ប្រហែលជាមហាជនទូទៅជ្រាបរួចមកហើយមើលទៅ ដែលបានដឹងថាតារាចម្រៀងល្បីប្រចាំផលិតកម្មរស្មីហង្សមាសបានទៅទស្សនារមណីដ្ឋានធម្មជាតិមួយកន្លែង ដែលឋិតនៅក្នុងទឹកដី ខេត្តឧត្តរមានជ័យ នោះ ហើយអ្វីដែលកាន់តែពិសេសថែមទៀតនោះគឺមានមន្ត្រីថ្នាក់ធំបានចូលរួមអមដំណើរជាមួយថែមទៀតផង។

ក្នុងនោះគេក៏បានឃើញក្នុងហ្វេសប៊ុកមួយឈ្មោះ "រដ្ឋបាលក្រុងសំរោង ខេត្តឧត្តរមានជ័យ - ទំព័រ" បានបញ្ជាក់យ៉ាងច្បាស់ថា "ថ្ងៃអង្គារ៍ ១០កើត ខែពិសាខ ឆ្នាំច ព. ស. ២៥៦១ ត្រូវនឹងថ្ងៃទី២៤ ខែមេសាឆ្នាំ២០១៨ លោក អ៊ុន សុភ័ក្រ អភិបាល នៃគណៈអភិបាលក្រុងសំរោង បានចូលរួមអមដំណើរប្រតិភូ ដែលដឹកនាំដោយលោកជំទាវ ចាន់ គន្ធា ស ថាវី ឧត្តមភរិយាឯកឧត្តមអភិបាលខេត្តឧត្តរមានជ័យ នៅក្នុងដំណើរទស្សនកិច្ចនៅតំបន់សក្តានុពលទេសចរណ៍ រលុះធំ ដែលមានការចូលរួមពីកំពូលតារាជួរមុខនៅក្នុងប្រទេសកម្ពុជា គឺ កញ្ញា ឧក សុគន្ធកញ្ញា ដើម្បីធ្វើការផ្សព្វផ្សាយពីតំបន់ដែលមានសក្កានុពលទេសចរណ៍នៅក្នុងក្រុងសំរោង ក៏ដូចជានៅទូទាំងខេត្តឧត្តរមានជ័យ៕"។

បន្ទាប់ពីដំណើរទស្សនិច្ចបានបញ្ចប់ គេក៏បានឃើញ តារាចម្រៀង ឱក សុគន្ធកញ្ញា បានបង្ហោះសារមួយភ្លាមៗផងដែរ ដោយសរសេរថា "នាងខ្ញុំសូមថ្លែងអំណរគុណដល់ការផ្តល់កិត្តិយស រួមដំណើរ និងទទួលរាក់ទាក់យ៉ាងកក់ក្តៅ ពីសំណាក់លោកពូអភិបាលខេត្ត អ្នកមីង និងលោកពូអ្នកមីងថ្នាក់ដឹកនាំខេត្តទាំងអស់ ក្នុងពេលដែលនាងខ្ញុំស្នាក់នៅក្នុងខេត្តឧត្តរមានជ័យ និងសូមអរគុណដល់ការស្រលាញ់ចូលចិត្ត គាំទ្រពីសំណាក់ពុកម៉ែបងប្អូនទស្សនិកជនអ្នកខេត្តឧត្តរមានជ័យទាំងអស់