អស់រយៈពេលជាង៦ឆ្នាំ ឧកញ៉ា ម៉ុង ឫទ្ធី អាចធ្វើរឿងដ៏អស្ចារ្យមួយនេះ សឹងតែគ្មាននរណាម្នាក់ជឿថាលោកអាចធ្វើបាន

ក្នុងថ្ងៃនេះ ត្រូវជាថ្ងៃទី១២ ខែឧសភា ឆ្នាំ២០១៨ ឧកញ៉ា ម៉ុង ឫទ្ធី បានរៀបរាប់ពីប្រវត្តិផ្លែស្វាយប៉ោម ដែលលោកបានយកពូជមួយនេះពីប្រទេសអូស្ត្រាលី យកមកបន្តពូជនៅប្រទេសកម្ពុជា ដែលមានមនុស្សមួយចំនួនស្ទើរតែមិនជឿថាលោកអាចធ្វើបាន តែការពិតមិនដូចអ្វីដែលគេគិតឡើយ ដោយរយៈពេល៦ឆ្នាំកន្លងផុតទៅនេះ ឧកញ៉ា ម៉ុង ឫទ្ធី អាចបន្តពូជផ្លែស្វាប្រភេទនេះបានជាង ១០០០០ ដើមទៅហើយ។ ក្នុងនោះលោកបានបញ្ជាក់ថា៖

"ព្រឹកនេះខ្ញុំនិយាយពីប្រវត្តិដែលធ្វើអោយមានផ្លែស្វាយប៉ោម អូស្ត្រាលីមាននៅលើទឹកដីនៃព្រះរាជាណាចក្រកម្ពុជាយើង កាលពីឆ្នាំ២០១២ខ្ញុំបានធ្វើដំណើរទៅប្រទេសអូស្ត្រាលី ទៅលេងផ្ទះបងប្អូនខ្មែរយើងឃើញស្វាយនេះស្អាតណាស់ ខ្ញុំក៏បានសុំកាត់ពីរមែកដើម្បីយកមកបន្តពូជ ម្ចាស់ស្វាយនិយាយថាខ្ញុំមិនដែលឮទេថា គេអាចយកមែកស្វាយទៅបន្តពូជបាន រយៈពេល៦ឆ្នាំកន្លងផុតទៅខ្ញុំអាចបំបែកពូជចេញពីមែកស្វាយពីរមែកនេះបានប្រមាណជាជាង១០.០០០ដើម នេះគឺជាសកម្មភាពថែទាំស្វាយប៉ោម អូស្ត្រាលីចំនួនដប់ហិកតាស្មើនិងប្រាំពាន់ដើម នៅលើទឹកដីតំបន់ឆ្នេរសមុទ្រកែវផុស ។"៕