ទឹកកកមួយដុំតូច សម្លាប់ក្មេងមួយប៉ព្រិចភ្នែក គ្មានឈាម គ្មានសំលេងយំ ពេទ្យជួយមិនបាន ម្តាយស្លុតចិត្តរហូតចូលពេទ្យសង្គ្រោះបន្ទាន់ទៀត (មានវីដេអូ)

កាលពីកន្លងទៅថ្មីៗនេះ គេបានឃើញក្នុងហ្វេសប៊ុករបស់ប្អូនស្រីម្នាក់ឈ្មោះ Aya Bé Alòne បានបង្ហោះសារដ៏ស្លុតចិត្តមួយស្ទើរតែមិនជឿនឹងភ្នែក ព្រោះគ្រាន់តែទឹកកកមួយដុំតូចសោះអាចសម្លាប់ក្មួយរបស់គាត់មួយប៉ព្រិចភ្នែក ដោយគ្មានឈាម គ្មានសម្លេងយំ សូម្បីតែមួយមាត់ ហើយក៏គ្មាននរណាម្នាក់អាចជួយទាន់ដែរ ពិតជាលឿនពេកហើយ ហើយមូលហេតុនៃការស្លាប់នេះគឺដោយសារតែ ស្លាក់ទឹកកក ចូលបំពងខ្យល់។ ក្នុងនោះ ម្ចាស់ហ្វេសប៊ុកមួយនេះបានបញ្ជាក់យ៉ាងច្បាស់ថា៖

"អត់ឈឺអីសោះ ទឹកកកដុំតូចមួយ សម្លាប់ក្មួយមួយប៉ព្រិចភ្នែក គ្មានឈាម គ្មានសំលេងយំ ពេទ្យជួយមិនបាន ស្លាប់ភ្លាម ធ្វើបុណ្យភ្លាម បញ្ចុះភ្លាមៗ ស្លុតពេកហើយ លឿនណាស់ តែប៉ុន្មានម៉ោងសោះ 😭😭 បែករហូតអ្នកមានកូនតូចៗ ត្រឹមតែមួយនាទីក៏មានវិប្បដិសារីបានដែរ ប្រយ័ត្នកូនៗផង 😭😭😭😭😭នឹកណាស់"។ ម្ចាស់ហ្វេសប៊ុកមួយនេះក៏បន្តទៀតថា "ក្មួយស្លាប់បាត់ មិនទាន់ទាំងបញ្ចុះសពហើយផង
ម៉ែវាចូលពេទ្យសង្គ្រោះបន្ទាន់ទៀត កម្មមេស យំមិនចេញទេលោក😭"។

ដូចនេះសូមអាណាព្យាបាលគ្រប់រូបមេត្តាប្រុងប្រយ័ត្នឲ្យបានខ្ពស់ ដើម្បីជៀសវៀងជួបរឿងដ៏ស្លុតបែបនេះ។ ហើយបើអាច សូមមេត្តាជួយស៊ែរនូវរឿងរ៉ាវនេះផង ដើម្បីទុកសម្រាប់អ្នកផ្សេងឲ្យបានដឹងលឺ កុំឲ្យជួបរឿងបែបនេះ៕