“ឈ្លក់ទឹកម៉ាស៊ីន”៖ អប់រំយុវជនឲ្យភ្ញាក់រលឹកចេះសន្សំប្រាក់ ដើម្បីសម្រេចក្តីស្រមៃ កុំឈ្លក់វង្វេងជាមួយសម្ភារនិយម និងដើរលេងចាយវាយមិនចេះគិត (មានវីដេអូ)

កាលពីកន្លងទៅថ្មីៗ គេបានឃើញវីដេអូអប់រំមួយ ដែលត្រូវបានគេចែកចាយតៗគ្នាជា​ច្រើន​ ដោយខ្សែវីដេអូអប់រំខ្នាតខ្លីមួយនេះ មានចំណងជើងថា “ឈ្លក់ទឹកម៉ាស៊ីន” ហើយវីដេអូមួយនេះបានឆ្លុះបញ្ចាំងអំពីបុរសម្នាក់ រៀនចប់ថ្នាក់មហាវិទ្យាល័យភ្លាម ទទួលបានការងារ និងប្រាក់បៀវត្សរ៍ខ្ពស់ ក្នុងចំណោមមិត្តភក្តិរបស់គេ។ ដោយសារតែភាពអំណួតរបស់ខ្លួនធ្វើឲ្យបុរសនោះឈ្លក់វង្វេងជាមួយនឹងការប្រើប្រាស់សម្ភារនិយម ដើរលេងចាយវាយមិនចេះគិត រហូតធ្លាក់ខ្លួនមានបំណុលច្រើន។

ប៉ុន្តែដោយសារតែគាត់ជាមនុស្សឆ្លាត និងមានក្តីស្រមៃកសាងគ្រួសារតូចមួយដែលមានសុភមង្គល គាត់ក៏
រៀនសន្សំប្រាក់ នៅទីបំផុតក្តីស្រមៃរបស់គាត់ក្លាយជាការពិត៕

ប្រភព៖ AMK MFI