សូមបងប្អូនរកផ្លូវវៀងឲ្យហើយទៅ អ្នកដែលឆ្លងកាត់ផ្លូវនេះ នៅយប់ថ្ងៃទី៥ ខែឧសភា ព្រោះ...

នៅមុននេះបន្តិច នាថ្ងៃទី៤ ខែឧសភា ឆ្នាំ២០១៨ "មន្ទីរសាធារណការ និងដឹកជញ្ជូនរាជធានីភ្នំពេញ" បានចេញសេចក្តីជូនដំណឹងមួយសម្រាប់អ្នកដំណើរទាំងឡាយដែលនឹងឆ្លងកាត់ផ្លូវនេះនៅយប់ថ្ងៃស្អែកសូមជ្រាបជាដំណឹង ក្នុងនោះមានខ្លឹមសារថា៖

"រដ្ឋបាលរាជធានីភ្នំពេញ សូមជំរាបជូនដំណឹងដល់សាធារណជនមេត្តាជ្រាបថាៈ នៅយប់ថ្ងៃទី៥ ខែឧសភាឆ្នាំ២០១៨ វេលាម៉ោង ២១:០០ ដល់ម៉ោង ៥:០០ទៀបភ្លឺ ការដ្ឋានស្ពានថ្មើរជើងនាងគង្ហីង នឹងចាប់ផ្តើមស្ទូចតម្លើងគ្រោងដែកតួស្ពានជំហានទី២ ប្រវែង ៤១ម កាត់ទទឹងខាងលើវិថី ទេព ផន ឬផ្លូវលេខ ១៨២ ទីតាំងភ្ជាប់ពីចិញ្ចើមផ្លូវហាង Kawasaki ទៅចិញ្ចើមផ្លូវ អូឡាំព្យាសុីធី ។

ដើម្បីសុវត្ថិភាព និងបង្ការក្រែងមានគ្រោះថ្នាក់ដល់អ្នកដំណើរជាយថាហេតុ ការដ្ឋាននឹងបិទចរាចរឆ្លងកាត់ក្នុងរយៈពេលខាងលើ។ អាស្រ័យហេតុនេះ សូមបងប្អូនដែលធ្វើដំណើរឆ្លងកាត់ទីតាំងការដ្ឋាននៅវេលាយប់នេះ សូមមេត្តាយោគយល់អធ្យាស្រ័យ និងពង្វាងចរាចរដោយសេចក្តីអនុគ្រោះ។"៕