ក្តៅៗ!!! ទីបំផុតដឹងថា រូបព្រះបាទជ័យវរ្ម័នទី៧ ត្រូវបានគេសាងសង់ខុសទម្រង់ដើម នៅសាលាណាហើយ ហើយម្ចាស់អំណោយគាត់នឹង...

កាលពីពេលថ្មីៗនេះមានការរិះគន់ជាខ្លាំងទាក់ទង រូបព្រះបាទជ័យវរ្ម័នទី៧ ដែលត្រូវបានគេសាងសង់ខុសទម្រង់ដើមស្ទើរទាំងស្រុង ព្រមទាំងធ្វើការស្នើឲ្យខាងសាលាប្ដូរចេញ ដើម្បីកុំឲ្យកូនខ្មែរយល់ខុសពីរូបរាងរបស់បុព្វបុរសខ្មែរ។ ដោយមានគំនិតចង់ជួយកែតម្រូវ និងមានបទពិសោធន៍រាប់ឆ្នាំមកហើយនោះ ជាងចម្លាក់ម្នាក់ឈ្មោះ សាន កាម៉ង់ដង់ បានចេញមុខជួយធ្វើថ្មីតែម្ដង ដោយមិនយកប្រាក់ ហេីយជុួុយដឹកដល់សាលាផងដែរ ប៉ុន្តែពេលនេះបានទទួលដំណឹងថា ខាងម្ចាស់អំណោយនឹងផ្លាស់ប្ដូរដោយខ្លួនឯង។

ជាងចម្លាក់ សាន កាម៉ង់ដង់ ចេះឆ្លាក់រូបគ្រប់ប្រភេទ និងមានទឹកដៃដ៏ចំណាន រស់នៅភូមិត្រពាំងព្រលិត ឃុំជ្រៃលាស់ ស្រុកពញាឮ ខេត្តកណ្ដាល។

ចំពោះរូបចម្លាក់ព្រះបាទជ័យវរ្ម័នទី៧ មានរាងធាត់ទ្រលុក ថែមទាំងមានក្បាលពោះផងនោះ គឺកំពុងតម្កល់ក្នុងសាលាភូមិប្រាសាទលិច ឃុំប្រាសាទលិច ស្រុកពាមរក៍ ខេត្តព្រៃវែង៕