ក្តៅៗ!!! ពេលនេះ ចាន់ វឌ្ឍនាកា ចេញមកបង្ហាញអារម្មណ៍ពិតមួយ ក្រោយចេញពីក្លឹប Pahang FA

បន្ទាប់ពីត្រូវក្លឹប Pahang FA បញ្ចប់កុងត្រានៅពាក់កណ្តាលរដូវកាលពីយប់មិញ ចាន់ វឌ្ឍនាកា បានបង្ហាញនូវអារម្មណ៍ពិតរបស់ខ្លួនពាក់ព័ន្ធទៅហ្នឹងរឿងទាំងនេះ ព្រមជាមួយការតាំងចិត្តយ៉ាងមុតមាំ ដោយនៅតែដើរនៅលើវិថីមួយនេះតទៅទៀតមិនបោះបង់ចោលឡើយ។ ក្នុងនោះផងដែរ ចាន់ វឌ្ឍនាកា ក៏បានបញ្ជាក់យ៉ាងច្បាស់ក្នុងហ្វេសប៊ុកផ្លូវការមួយរបស់លោកថា៖

"វាមិនមានអ្វីចម្លែកទេនៅក្នុងពិភពបាល់ទាត់ វាតែងតែកើតមានរឿងនេះ តែអ្វីដែលសប្បាយចិត្តគឺខ្ញុំបានបំពេញការងារដែលខ្ញុំត្រូវធ្វើរួចហើយ អ្វីដែលត្រូវធ្វើបន្តរទៀតគឺមានតែការមិនបោះបង់ប៉ុន្នោះ ថ្វីបើខ្ញុំនៅទីនេះត្រឹមរយះពេលប៉ុន្មានខែមែន តែទីនេះពិតណាស់ជាកន្លែងដែលធ្វើអោយខ្ញុំស្គាល់បាល់ទាត់បន្ថែមទៀត ជាបទពិសោធន៍ថ្មីមួយទៀតសម្រាប់ជីវិត និង វិថីដែលខ្ញុំចង់ដើ ខ្ញុំនឹងដើ ដើរហូតមិនឈប់ ខ្ញុំមិនចុះចាញ់ ព្រោះខ្ញុំចង់ឈ្នះ ខ្ញុំហត់ តែខ្ញុំទ្រាំ។ ជាចុងក្រោយខ្ញុំមានតែពាក្យអរគុណអ្នកទាំងអស់គ្នាដែលតែងតែគាំទ្រ និង លើកទឹកចិត្តខ្ញុំ និង បារម្ភពីខ្ញុំ អរគុណខ្លាំងណាស់