សោកស្តាយណាស់!!! អគ្គិភ័យឆេះផ្ទះវីឡាដ៏ប្រណីតមួយខាតបង់អស់រាប់ម៉ឺនដុល្លារ បណ្តាមកពីរន្ទះបាញ់
កាលពីម្សិលមិញនេះ នាថ្ងៃទី០៣ ខែឧសភា ឆ្នាំ២០១៨ វេលាម៉ោង ១៧និង៣០ នាទី មានករណីឆេះ ផ្ទះវីឡាឈើ ដែលមានទំហំ ៩ម x ១០ម របស់ ឈ្មោះ ហូ ឡិច ភេទប្រុស អាយុ ៤២ ឆ្នាំ ជនជាតិ ឥណ្ឌូនេស៊ី ស្ថិតនៅ តារាងវាយកូនគោល ហើយក៏ត្រូវជាថៅកែអង្គរហ្គោលរីសតផងដែរ ដែលស្ថិតនៅ ក្នុងក្រុមទី៤ ភូមិរកាធំ សង្កាត់ស្រង៉ែ ក្រុង និងខេត្តសៀមរាប ហើយបើតាមការសន្និដ្ឋានករណីឆេះវីឡានេះគឺបណ្តាមកពីរន្ទះបាញ់។ ចំពោះ ផ្ទះវីឡាឈើរបស់ថៅកែជនជាតិឥណ្ឌូនេស៊ីនេះ ត្រូវបានភ្លើងឆេះអស់ទាំងស្រុង ព្រមទាំងទ្រព្យសម្បត្តិរាប់ម៉ឺនដុល្លារផងដែរ តែពុំបណ្តាលឱ្យនរណាម្នាក់មានគ្រោះថ្នាក់ដល់ជីវិតឡើយ៕
Post a Comment