ប៊ុត សីហា៖ មនុស្ស២ប្រភេទនេះដែលយើងត្រូវចងចាំទុកហើយត្រូវចាំរហូត

កាលពីថ្ងៃទី២៧ ខែមេសា ឆ្នាំ២០១៨ កន្លងទៅនេះ ប្រហែលជាមានមហាជនមួយចំនួនបានជ្រាបរួចមកហើយទាក់ទងរឿងលោក ប៊ុត សីហា នោះ ដែលគាត់បានបង្ហោះសារមួយក្នុងហ្វេសប៊ុកផេករបស់លោក ពេលអានចប់ ពិតជាអាណិតគាត់ខ្លោចចិត្តជាខ្លាំង ដោយក្នុងនោះលោកបានប្រកាសថា ប្រសិនបើមានបងប្អូនណាត្រូវការគាត់ដើម្បីច្រៀង គឺអាចទាក់ទងបាន ព្រោះពេលនេះលោកមិនជាប់រវល់ដូចមុននោះទេ ហើយសព្វថ្ងៃនេះលោកក៏មិនជ្រកក្រោមផលិតកម្មណាមួយដែរ គឺគ្រាន់តែដើរច្រៀងតាម អកកេះ អកកាដង់ តែប៉ុណ្ណោះ។

ហើយនៅមុននេះបន្តិចលោក ក៏បានបង្ហោះសារមួយទៀតផងដែរ ព្រមទាំងមានភ្ជាប់រូបមួយសន្លឹកដែលពោរពេញទៅដោយអត្ថន័យជាខ្លាំង ចំពោះមនុស្ស២ប្រភេទដែលត្រូវចងចាំទុក ដោយក្នុងនោះលោកបានសរសេរថា៖

"មនុស្ស២ប្រភេទនេះដែលយើងត្រូវចងចាំទុកហើយត្រូវចាំរហូត
១ ពេលដែលយើងជួបបញ្ហាររត់ចោលយើង(បោះបង់យើងចោល)
២ ពេលជួបបញ្ហារមិនរត់ចោលយើងនៅផ្តល់កំលាំងចិត្តឲ្យយើង
(អរគុណបងដែលប្រាប់និងណែនាំ)"