រន្ធត់ចិត្តណាស់លោកអើយ!!! ​រន្ទះបាញ់ឆក់យកជីវិតបុរសម្នាក់ ស្លាប់ចោលប្រពន្ធ និងកូន ទាំងខ្លួនជាបង្គោលក្នុងគ្រួសារផង

ខេត្តតាកែវ​៖ ក្រោយពីមេឃបានបង្អុរភ្លៀងមួយមេយ៉ាងធំ នាំមកនូវខ្យល់ ផ្គរ រន្ទះបាញ់ ហើយក៏បានឆក់យកជីវិតវ័យបុរសវ័យកណ្ដាលម្នាក់ ស្លាប់ចោលប្រពន្ធ និងកូនគួរអោយអាសូរក្រៃលែង ព្រមទាំងបានបង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នាជួយបីសពទៅផ្ទះវិញ។ ហើយហេតុការណ៍នេះ​ បានកើតឡើង ​នៅវេលាម៉ោង​០៤:៤០នាទីល្ងាច​ ថ្ងៃទី​០៨ ខែឧសភា​ ឆ្នាំ​២០១៨នេះ ត្រង់ចំណុចបឹងឈូក ភូមិតុំ សង្កាត់រកាក្រៅ ក្រុងដូនកែវ ខេត្តតាកែវ ។

សពមានឈ្មោះ​ ជុំ ផែន ភេទប្រុស​ អាយុប្រហែល៥០ឆ្នាំ ជាបង្គោល និងជាមេគ្រួសារ ដែលមានប្រពន្ធឈ្មោះ នា រស់នៅភូមិឃុំខាងលេី​។ បច្ចុប្បន្នក្រោយពេលកើតហេតុ​អ្នកភូមិក្មេងចាស់ប្រុសស្រីនាំគ្នាមកជួយលើកសពជនរងគ្រោះទៅផ្ទះវិញ ដើម្បីរៀបចំ​ធ្វើបុណ្យតាមប្រពៃណី៕