អស្ចារ្យខ្លាំងណាស់!!! មិននឹកស្មានដល់ថា អ្នកនិពន្ធ ទំនុកច្រៀង និង Melody ក្នុងរឿងភាគ "កូនពស់កេងកង" គឺជារូបគាត់សោះ មានរហូតដល់ទៅ១៤បទទៀត (មានវីដេអូ)

លោក ហ្វៃ សំអាង ត្រូវបានមហាជនទូទៅទទួលស្គាល់ថា គឺជាអ្នកដែលដឹកនាំ និងនិពន្ធរឿងមួយរូបដែលមានស្នាដៃខ្ពស់ មានការផ្ចិតផ្ចង់ ហើយរឿងរបស់លោកគឺសុទ្ធតែទទួលបាននូវភាពជោគជ័យខ្លាំងគួរឲ្យកក់សំគាល់។ ចំណែកកាលពីពេលថ្មីៗនេះ លោកបានបង្ហោះរូបភាពពីសកម្មភាពក្នុងការថតរឿងភាគថ្មីមួយទៀតហើយ គឺរឿង "កូនពស់កេងកង" ដែលផលិតឡើងយ៉ាងសំរិតសម្រាំងសម្រាប់ទូរទស្សន៍ហង្សមាស​ ហើយក៏នឹងចាក់បញ្ចាំងក្នុងពេលឆាប់ៗខាងមុខនេះផងដែរ​ ដែលជាការនិពន្ធរឿងដោយ លោក ហ្វៃ​ សំអាង និងលោកស្រី ប៉ុល​ ពិសី​ ព្រមទាំងដឹកនាំរឿងដោយ លោក ហ្វៃ​ សំអាង។

មួយវិញទៀតកាលពីម្សិលមិញនេះ លោកបានធ្វើឲ្យមហាជនមានការភ្ញាក់ផ្អើលទៀតហើយ ដោយលោកមិនត្រឹមតែជាអ្នកដឹកនាំ និងនិពន្ធរឿង ដ៏ល្បីប៉ុណ្ណោះទេ គឺលោកចេះ និពន្ធទំនុកច្រៀង និង និពន្ធ Melody ថែមទៀតផង ក្នុងនោះលោកក៏បានបញ្ជាក់ក្នុងសារដែលលោកបានសរសេរថា៖

"បទចម្រៀងប្រកបភាពយន្តភាគរឿងកូនពស់កេងកងមានចំនួន១៤បទ​ ១/អទិទេពស្នេហ៍​ ២/ជំនោរស្នេហាផ្កាជីវិត​ ៣/ចន្ទ្រា​ ៤/ក្នុងនាមកូនប្រុស​ ៥/ទ្រស្នេហ៍ចងចិត្ត​ ៦/អ្នកណាតួឯក?​ ៧/កុំល្អដូចផ្កា​ ៨/រាជិនីម្ចាស់ស្រី​ ៩/ឱ!ទេពនារី​ ១០/ប្រវត្តិស្នេហ៍កម្ម​ ១១/សំបកបេះដូង​ ១២/បាបបុណ្យ​ ១៣/កុំស្អុយទាំងស្រស់​ ១៤/ចោរលួចបេះដូង​ 😍តើបងប្អូនស្រឡាញ់បទមួយណា​ សុំបញ្ចេញយោបល់ម្នាក់មួយមុនពេលស្តាប់បទចម្រៀងទាំងអស់នេះ?​ បទទាំងអស់នេះគឺក្រោមការនិពន្ធទំនុកច្រៀងរបស់ខ្ញុំចំនួន១២បទ ស្នាដៃរបស់ប្អូនគិន​ កក្កដាចំនួន២បទ​ និពន្ធMelody របស់ខ្ញុំទាំងអស់​ និពន្ធបទភ្លេង និងសម្រួលតន្ត្រីដោយប្អូនសួន​ ពិសិដ្ឋ​ សូមរង់ចាំទស្សនានិងស្តាប់ទាំងអស់គ្នា🙏😍រូបភាពជួបជុំគ្នាពិភាក្សារឿងការងារនៅ យាយអែនណាRestaurant របស់ប្អូនសួនពិសិដ្ឋនិងភរិយាពិតជាឆ្ងាញ់គ្រប់មុខម្ហូប👍"៕