The Voice Kids Cambodia រដូវកាលទី២ ចាប់ផ្តើមហើយ សូមមើលលក្ខខណ្ឌ ដើម្បីសុំចូលប្រឡង (មានវីដេអូ)

នៅមុននេះបន្តិច ហ្វេសប៊ុកផេកផ្លូវការរបស់ស្ថានីយ៍ទូរទស្សន៍ ហង្សមាស បានធ្វើការប្រកាសនូវកម្មវិធី The Voice Kids Cambodia រដូវកាលទី២ ចាប់ផ្តើមហើយ ដោយក្នុងនោះហ្វេសប៊ុកផេកនេះបានបញ្ជាក់តាមរយៈវីដេអូមួយ ព្រមជាមួយសារខ្លះៗ នូវលក្ខខណ្ឌមួយចំនួនមុនពេលចូលប្រឡង ដោយមានខ្លឹមសារថា៖

"កុមារកម្ពុជាជាទីស្រឡាញ់ ដែលអាយុចាប់ពី៥ឆ្នាំ ដល់១៤ឆ្នាំ អាចចូលរួមដើម្បីសម្រេចក្តីប្រាថ្នាដែលចង់ក្លាយជាតារាចម្រៀងអាជីពវ័យក្មេងដ៏ល្បីនៅក្នុងព្រះរាជាណាចក្រកម្ពុជា។ ពាក្យសុំចូលរួមប្រឡងមានដាក់លក់ចាប់ពីថ្ងៃនេះតទៅ នៅក្រុមហ៊ុន ហង្សមាសវីដេអូ ការិយាល័យប្រចាំតំបន់របស់ក្រុមហ៊ុនខ្មែរប៊ែរវើរីជីស លីមីតធីត និងនៅតាមស្ថានីយប្រងឥន្ធនៈតេលា ទូទាំងប្រទេស ឬក៏លោកអ្នកអាច​ថតជាវីដេអូឃ្លីប​របស់កូនលោកអ្នកតាមរយៈទូរស័ព្ទដៃ រួចផ្ញើមកកាន់ facebook page ផ្លូវការរបស់ The Voice Kids Cambodia
ដែលមានសញ្ញា ធីក ជាសម្គាល់។ សម្រាប់ព័ត៌មានបន្ថែមសូមទាក់ទងទូរស័ព្ទលេខ 095 980 525។
ផុតកំណត់ទទួលពាក្យនៅថ្ងៃទី ២៧ ខែឧសភា ឆ្នាំ២០១៨៕ សូមអរគុណ!"។ ដូចនេះដើម្បីជ្រាបកាន់តែច្បាស់សូមទស្សនាវីដេអូបន្ថែមទៀត ដូចខាងក្រោម៕